Azərbaycanın ələ keçirdiyi erməni diversantla bağlı mühüm gəlişmə

Azərbaycan daha çox hansı ölkələrdən məhsul idxal edir? - SİYAHI

Bakıda iki uşaq anası yoxa çıxıb - VİDEO

şənbə, 21 iyul 2018
RU EN TR
EN TR RU

Yazarlar

Nicat İntiqam

4 divar arasında "şəhərli" olublar...

09.05.2018 14:35

Reallaşmayan arzular bitməyən ağaclar kimidi...

Hər il yaz ayları gələndə şəhərdə yaşayan kənd adamlarının dərdi təzələnir. Çiçəkləyən ağaclar, yaşıllaşan torpaq, yarpaqlayan budaqlar insanı daha da duyğulandırır.

Əvvəl-axır torpağa əmanət ediləcək insan torpağın yeriyən bir parçası olduğunu sağlığında sanki bu dövrdə daha dərindən hiss edir.

Bu aylarda insanla torpaq arasında gözlə görünməyən, ancaq ruhi hiss olunan bir əlaqə yaranır.

***

İnsan doğulduğu YERİN bir parçasıdır.

Hər gün Bakı küçələrində, yataqxanalarda gördüyümüz - Şuşada doğulan, böyüyən insanlar da Şuşa torpağının bir parçası olmalı idilər. Ağdamda, Laçında, Kəlbəcərdə və işğal altında olan digər torpaqlarımızda doğulanlar da həmçinin. Min illər orada yaşayan və dünyasını dəyişən ulu babalarımız çoxdan o torpaqların bir parçasına çevrildikləri kimi...

Doğulduğu torpaqdan uzaqda olan insan getdiyi yerdə də doğulduqları torpağın bir parçası olaraq qalmaqdadır. Arzulaya-arzulaya doğulduqları yerdən uzaqda ölənlərin dünyalarını narahat dəyişmələri də yəqin elə buna görədir.

Doğulduqları yerdən uzaqda ölənlər həm də o torpağın itkisidilər...

***

Hər il yaz ayları gələndə şəhərdə yaşayan qarabağlıların - yurd-yuvasından didərgin düşən insanların dərdi təzələnir.

Bir vaxtlar yaylaqlarda, təmiz havalı, saf bulaqlı yurd yerlərində yaşayan neçə-neçə qarabağlı zorən öz yurdundan kənarda dünyasını dəyişdi, öz torpağının bir parçası ola bilmədi.

Bu gün işğal altında olan Şuşanın Bakıda yaşayan insanları Şuşa torpağının burada dolaşan parçalarıdılar.

Hazırda işğal altında olan Kəlbəcərin orada doğulub məcburən köçkünlük həyatı yaşayan insanları da o torpaqların burada dolaşan hissəsidilər...

Fərqli bölgədə yetişən eyni meyvənin dadı eyni olmur. Bir insanın da üzünə baxanda hansı bölgədən olduğunu təxmini bilmək olur...

Torpaq təkcə ağac yetişdirmir, üstündə doğulub boya-başa çatan insan da onun bir parçası olur.

***

1992-ci il may ayının 8-də Şuşa işğal olunanda 20 mindən artıq əhali öz yurd-yuvasını tərk edərək məcburi köçkün vəziyyətinə düşdü.

Yurd-yuvasından didərgin düşən insanların torpağı olmaq özü də ayrı bir dərddir...

İndi yadlarla doludur Şuşa.

Bir vaxtlar Şuşa dağlarında cuşa gələrdik, indi oraları itirmişik deyə huşa da gələ bilmirik. Fikir verin, insanlarımızın elə bil huşları özündə deyil...

Bir vaxtlar Kəlbəcərin bərəkətli torpaqlarını əkib becərən insanlar indi 4 divar arasında "şəhərli" olublar. Kəlbəcər bizə "gəl, becər" deyir, amma gedə bilmirik.

İndi Bakıda çox ağdamlı ağ dam tikib, amma o evlərdə böyüyənlər biz istəyən Ağdamlı ola bilməyəcəklər.

Qarabağ ürəyimizdə yara bağlayıb, hələ ki müalicəsi mümkün olmayan yara...

Erməni - ona "yer mənimdi" deyirik, başa düşmür, qolumuzun gücü ilə "ver, mənimdi" deməyi də bacarmalıyıq.

Bu gün 9 may - böyük vətən müharibəsində Qələbənin ildönümüdür.

Böyük vətən müharibəsində babalarımız qalib oldular, heç olmasa kiçik vətən müharibəsində biz qalib gələk.

Yaz gələndə şəhərdə yaşayan kənd adamlarının dərdi təzələnir...

Müəllifin fikirləri öz mövqeyini əks etdirir.

Oxundu: 213