Özbəkistanda elektron siqaretlər qadağan edilib.
Yeniavaz.com xəbər verir ki, bu barədə Özbəkistan Ədliyyə Nazirliyi rəsmi “Telegram” kanalında məlumat yayıb.
Məlumata görə, müvafiq qanunu Özbəkistan Prezidenti Şavkat Mirziyoyev imzalayıb.
Xüsusilə, elektron siqaretlərin və onlar üçün mayelərin əldə edilməsi, saxlanılması, daşınması, ötürülməsi, istehsal edilməsi, Özbəkistana idxal və ya ixrac edilməsinə qadağa qoyulub.
Qanunun pozulması və ya inzibati cəzanın tətbiq edilməsi əsas hesablama vahidinin 300 mislindən 500 mislinədək miqdarda cərimə (10,3 min dollardan 17,2 min dollara qədər), ya iki ildən üç ilədək islah işləri, ya da üç ildən beş ilədək həbs cəzasi ilə cəzalandırılır.
Tətbiqimizi yükləyə bilərsiniz
