Dünyanın ən çox əhalisi olan şəhər açıqlandı

İndoneziyanın paytaxtı Cakarta dünyanın ən çox əhalisi olan şəhərlərinin reytinqində birinci yeri tutub.
Yeniavaz.com xəbər verir ki, bu barədə “The Guardian” Birləşmiş Millətlər Təşkilatının (BMT) hesabatına istinadən məlumat yayıb.
Araşdırmaya görə, Cakartada 42 milyon insan yaşayır. İkinci yerdə 37 milyon əhalisi olan Banqladeşin paytaxtı Dəkkə qərarlaşıb. Üçüncü yerdə 33 milyon əhalisi olan Yaponiyanın Tokio şəhəri qərarlaşıb. Yeni Dehli (Hindistan) və Şanxay (Çin) də ilk beşliyə daxil olub.
Əhalinin hesablanması üçün BMT şəhər, kənd və şəhərətrafı ərazilərin sərhədlərini aydın şəkildə müəyyən edən yeni metodologiyadan istifadə edib. Yeni sistem vahid demoqrafik və geoməkan parametrlərinə əsaslanır və müxtəlif milli meyarlardan müstəqildir.
BMT-nin hesabatında deyilir ki, 1950-ci ildən bəri dünyada şəhər sakinlərinin sayı iki dəfədən çox artıb. O vaxtlar şəhərlərdə 2,5 milyard insan yaşayırdı; bu gün planetin demək olar ki, yarısı şəhərlərdə yaşayır. 50 il ərzində (1975-ci ildən 2025-ci ilə qədər) meqapolislərin sayı səkkizdən 33-ə yüksəldi.