Qurban Qurbanov yeni biznes qurub – KİV

“Qarabağ”ın baş məşqçisi Qurban Qurbanov özünə yeni biznes qurub.
Yeniavaz.com xəbər verir ki, bu barədə Sport1.az məlumat yayıb.
Bildirilib ki, Ağdam təmsilçisinin baş məşqçisi forma satışı şirkəti açıb.
Xəbərdə qeyd olunub ki, yeni açılan şirkət “Adidas”, “Joma”, “Jako” markalarının Azərbaycanda rəsmi distributorudur. Buradan topdan idman geyimləri və dəstləri sifariş vermək olur.
Həmçinin yazılıb ki, artıq ölkəmizdə fəaliyyət göstərən bəzi klublar Qurban Qurbanovun şirkəti ilə əməkdaşlığa başlayıblar. Söhbət “Zirə”, “Turan Tovuz” və “Şəfa”dan gedir.
Əlavə edilib ki, bir müddət öncə mediada Qurban Qurbanovun Bakı klubuna jest etdiyi ilə bağlı məlumat çıxmışdı: "Məsələnin əsli başqadır. “Şəfa” klubu Qurban Qurbanovun şirkətindən “Jako” formaları, idman dəstələri şifariş verib. Geyimlərin çatdırılması gecikib. Bu səbəbdən də şirkət anbarda olan “Adidas” formalarını “Şəfa”ya verməli olub".