“İran və “avroüçlük” (Böyük Britaniya, Almaniya və Fransa) İranın nüvə proqramı ilə bağlı razılığa gəlməyə yaxın idilər, lakin ABŞ müdaxilə etdi və Vaşinqtonun təzyiqi ilə Avropa ölkələri geri çəkildi”.
Yeniavaz.com xəbər verir ki, bunu İslam Respublikasının Prezidenti Məsud Pezeşkian deyib.
“Nyu-Yorkda, avropalılarla “snapback” məsələsini müzakirə edərkən, biz razılığa kifayət qədər yaxın idik, lakin sonra onlar amerikalılarla danışdılar və bəhanələr axtararaq fikirlərini dəyişdilər”, - Pezeşkian deyib.
İran prezidenti qeyd edib ki, ABŞ sadəcə olaraq İranın zəif olmasını istəyir:
“Əgər bu gün nüvə məsələsi gündəmdədirsə, sabah onlar qeyri-nüvə məsələləri qaldıracaqlar, çünki onlara güclü İran lazım deyil”.
Tətbiqimizi yükləyə bilərsiniz
