Avropa Komissiyası (AK) 19-cu anti-Rusiya sanksiyalar paketi ilə bağlı təklifini tamamlayıb və onu bu gün, sentyabrın 19-da təqdim edəcək.
Yeniavaz.com xəbər verir ki, bu barədə Avropa Komissiyasının sözçüsü Paula Pinyo Brüsseldə keçirdiyi brifinqdə bildirib.
Onun sözlərinə görə, AK prezidenti Ursula fon der Lyayen sentyabrın 19-da növbəti məhdudiyyətlər paketi ilə bağlı rəsmi açıqlama verəcək.
“Gözlənildiyi kimi, AK yeni 19-cu sanksiyalar paketi üçün təklif təqdim edib. Prezident fon der Lyayen bu paketi Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallasla birlikdə elan edəcək”, - o qeyd edib.
Paula Pinyo həmçinin əlavə edib ki, Aİ Rusiyaya qarşı enerji, bankçılıq və kriptovalyuta sektorlarını əhatə edən yeni sanksiyalar paketi üzərində razılaşıb.
Tətbiqimizi yükləyə bilərsiniz
