“Siti” “Yunayted”i darmadağın etdi

İngiltərə Premyer Liqasının IV turunda “Mançester Siti” “Mançester Yunayted”i 3:0 hesabı ilə məğlub edib.
Yeniavaz.com xəbər verir ki, qarşılaşma “Etihad” stadionunda baş tutub.
“Mançester Siti”nin qollarını Fil Foden (18-ci dəqiqə) və Erlinq Haaland (53, 68) vurub.
Bu nəticəyə əsasən, “Mançester Siti” 6 xalla turnir cədvəlinin 8-ci pilləsində qərarlaşıb. “Yunayted” isə 4 xalla 14-cü yerdədir.
Növbəti turda “Mançester Siti” sentyabrın 21-də səfərdə “Arsenal”la qarşılaşacaq. “Yunayted” isə sentyabrın 20-də “Çelsi”ni qəbul edəcək. “Siti” həmçinin sentyabrın 18-də Çempionlar Liqasının ümumi mərhələsində ilk oyununu İtaliya “Napoli”si ilə keçirəcək.