Avqustun 18-də Ağ Evdə Ukrayna və Avropa İttifaqı liderləri ilə görüş zamanı ABŞ Prezidenti Donald Tramp müharibə başa çatdıqdan sonra Ukraynaya sülhməramlı kimi Çin qoşunlarının göndərilməsini təklif edib.
Yeniavaz.com xəbər verir ki, bu barədə “Financial Times” dörd mənbəyə istinadən məlumat yayıb.
Ağ Ev belə bir fikrin müzakirə olunduğunu inkar edir.
Qeyd edək ki, 2022-ci ilin yazında İstanbulda Rusiya ilə danışıqlar zamanı Ukrayna Çini onun təhlükəsizliyinə təminat verən ölkələr siyahısına daxil etməyi təklif edib. 2025-ci ilin fevralında “The Economist”in yazdığına görə, ABŞ bu fikrə qayıdıb. “Axios” yazır ki, bunu avqustun 15-də Rusiya Prezidenti Vladimir Putin Trampla Alyaskada görüşü zamanı səsləndirib. “Welt am Sonntag”ın məlumatına görə, Çin Ukraynaya sülhməramlılar göndərməyə razılıq verib (Pekin bunu rəsmən təkzib edir).
Tətbiqimizi yükləyə bilərsiniz
