Kərəm “Fənərbağça”ya keçir

Türkiyə millisinin üzvü Kərəm Aktürkoğlu “Fənərbağça”ya keçir.
Yeniavaz.com xəbər verir ki, bu barədə futbolçunun hazırkı klubu “Benfika” məlumat yayıb.
Bildirilib ki, Portuqaliya təmsilçisi bu transferdən 25 (22,5 + 2,5) milyon avro gəlir əldə edəcək.
Aktürkoğlunun 24 saat ərzində “Fənərbağça”ya qoşulması gözlənilir.
Xatırladaq ki, iki gün əvvəl bu iki klub UEFA Çempionlar Liqasının pley-off mərhələsi çərçivəsində qarşı-qarşıya gəliblər və “Benfika” Kərəm Aktürkoğlunun qolu ilə İstanbul təmsilçisini məğlub edib. Hər iki oyunun yekun nəticəsinə görə (ilk oyun 0:0) Portuqaliya təmsilçisi ÇL-nin liqa mərhələsinə adlayıb. “Fənərbağça” isə Avropa Liqasının liqa mərhələsində yoluna davam edəcək.
Qeyd edək ki, K. Aktürkoğlu ötən il “Qalatasaray”dan “Benfika”ya keçib. Ona görə də “Cimbom” azarkeşləri sabiq futbolçularını əsas rəqiblərinin heyətinə qoşulmasına görə tənqid edirlər.