NATO-nun sualtı ovçu təyyarələri son günlər Norveçin qərbində fəaliyyət göstərən ABŞ təyyarədaşıyan qrupunun yaxınlığında ola biləcək Rusiya sualtı qayıqlarını aktiv şəkildə axtarır.
Yeniavaz.com xəbər verir ki, bu barədə “Newsweek” jurnalı məlumat yayıb.
Bildirilir ki, “P-8A Poseidon” sualtı ov təyyarələrinin aktivliyinin artması bir neçə gün əvvəl Severomorsk bazasını tərk edən 3 Rusiya sualtı qayığının bu sularda olmasının gözlənilməsi ilə bağlıdır.
“The Parents Observer” qəzeti yazır ki, Yasen sinfinə aid üç nüvə sualtı qayığı yoldadır.
“Norveç dənizindəki patrulda Şotlandiya, İslandiya və Norveçdə yerləşən Amerika, Britaniya və Norveç təyyarələri iştirak edir.
Təyyarədaşıyan “Gerald R. Ford”un rəhbərlik etdiyi aviadaşıyıcı zərbə qrupuna Norveç hərbi gəmiləri də daxildir”, - nəşr yazır.
NATO rəsmiləri “Newsweek”in şərh sorğusuna cavab verməyiblər.
Tətbiqimizi yükləyə bilərsiniz
