Cənubi Koreyada polis musiqiçi PSY (əsl adı - Pak Je-san) ilə bağlı araşdırma aparır.
Yeniavaz.com “Yonhap”a istinadən xəbər verir ki, polis artıq sənətçinin özünü və həkimini saxlayıb.
İfaçı qanunsuz olaraq psixotrop dərman reseptləri əldə etməkdə ittiham olunur.
Agentliyin məlumatına görə, 2022-ci ildən son vaxtlara qədər PSY Seul xəstəxanasında lazımi şəxsi məsləhətləşmələr olmadan yüksək asılılıq riski olan iki dərman - yuxu həbi və narahatlıq əleyhinə dərman üçün reseptlər alıb.
PSY-nin agentləri artıq cavab veriblər ki, müğənnidə həqiqətən də xroniki yuxu pozğunluğu diaqnozu qoyulub və həkimin təyin etdiyi kimi yuxu dərmanı qəbul edir.
Xatırladaq ki, 2012-ci ildə “Gangnam Style” mahnısı sayəsində dünya şöhrəti qazanmışdır. Mahnının videosu yutubda bir milyard baxışı keçən ilk video olub.
Tətbiqimizi yükləyə bilərsiniz
