Moskvada Daxili İşlər Nazirliyi və FTX-nin birgə əməliyyatı zamanı böyük teatrlardan birinin keçmiş direktoru saxlanılıb.
Yeniavaz.com xəbər verir ki, bu barədə Daxili İşlər Nazirliyinin rəsmi nümayəndəsi İrina Volk məlumat verib.
Məlumatda saxlanılan şəxsin və ya teatrın adı çəkilmir, lakin “Kommersant” və “112” Telegram kanalı mənbələrə istinadən yazır ki, bu, Satira Teatrının keçmiş direktoru Məmmədalı Ağayevdir.
DİN nümayəndəsi bildirib ki, saxlanılan şəxs 20 milyon rubl məbləğində mənimsəmədə şübhəli bilinir. Daxili İşlər Nazirliyindən verilən məlumata görə, o, öz teatrı ilə qondarma müəllif müqavilələri bağlayıb və bununla da tamaşaların ssenari müəllifi kimi kassa gəlirlərinin müəyyən faizini alıb.
Qeyd edək ki, Ağayev 1992-2021-ci illərdə Satira Teatrının direktoru olub, o, öz istəyi ilə bu vəzifədən ayrılıb. Ağayev Rusiya Federasiyasının əməkdar mədəniyyət işçisi və əməkdar artistidir.
Tətbiqimizi yükləyə bilərsiniz
