Ukrayna Prezidenti Volodimir Zelenski ABŞ prezidenti Donald Trampla telefon danışığında Rusiya Prezidenti Vladimir Putinin digər cəbhə xətlərinin dondurulması müqabilində bütün Donetsk bölgəsinin verilməsi tələbini rədd edib.
Yeniavaz.com xəbər verir ki, bu barədə “Reuters” agentliyi öz mənbələrinə istinadən məlumat yayıb.
Nəşrin məlumatına görə, Ukrayna və ABŞ prezidentləri arasında söhbət saat yarım davam edib, Avropa və NATO liderləri də onlara qoşulub.
Qeyd edək ki, Donald Tramp və Volodimir Zelenskinin bazar ertəsi Vaşinqtonda görüşü planlaşdırılır.
Nəşr yazır ki, Avropa liderləri də Tramp və Zelenski arasındakı danışıqlarda iştirak etmək üçün dəvət olunublar.
Xatırladaq ki, Donald Tramp və Vladimir Putin avqustun 15-də ABŞ-nin Alyaskadakı hərbi bazasında görüşüblər. Bu, Rusiyanın Ukraynada genişmiqyaslı müharibəsi başlayandan bəri prezidentlər səviyyəsində ilk ABŞ-Rusiya görüşü idi. Liderlərin danışıqları üç saat davam edib.
Tətbiqimizi yükləyə bilərsiniz
