Trampın keçmiş müşaviri 2028-ci ildə prezidentliyə namizəd ola bilər

ABŞ Prezidenti Donald Trampın keçmiş müşaviri, həmçinin, keçmiş baş siyasi strateq Stiv Bennon 2028-ci ildə keçiriləcək seçkilərdə namizəd ola bilər.
Yeniavaz.com xəbər verir ki, bu barədə Britaniyanın “The Daily Mail” qəzeti mənbələrə istinadla məlumat yayıb.
Nəşrin məlumatına görə, Bennon Respublikaçılar Partiyasının ilkin seçkilərində iştirak etmək istəyir.
Onun fikrincə, ABŞ-nin hazırkı vitse-prezidenti Ceyms Devid Vens “kifayət qədər sərt olmadığı üçün” bu posta uyğun deyil.
Məqalə müəllifləri hesab edirlər ki, Trampın keçmiş müşavirinin prezidentlik kampaniyasında iştirak etməsi dövlət başçısının tərəfdarları arasında parçalanmaya səbəb ola bilər.
Qeyd edək ki, bundan əvvəl Donald Tramp mümkün xələfləri haqqında danışmış, “Böyük Respublikaçılar” arasında vitse-prezident Ceyms Devid Vensi və dövlət katibi Marko Rubionu özünün ehtimal olunan xələfi adlandırmşdı.