“Tehran danışıqlar prosesini bərpa etməyə razılaşana qədər Vaşinqton ABŞ Silahlı Qüvvələrinin zərbələri nəticəsində İranın nüvə proqramına vurduğu zərəri kompensasiya etməlidir”.
Yeniavaz.com bunu İranın xarici işlər naziri Abbas Araqçi “Financial Times” qəzetinə müsahibəsində bildirib.
“ABŞ danışıqların ortasında niyə bizə hücum etdiyini izah etməli və bunun bir daha təkrarlanmamasını təmin etməlidir”, - İran XİN rəhbəri qeyd edib.
İranlı nazir həmçinin qeyd edib ki, Vaşinqtonla danışıqların davam etdirilməsi ehtimalı hələ də qalmaqdadır, lakin Tehranda çoxları ABŞ-nin diplomatik təşəbbüslərinə çox şübhə ilə yanaşır.
Araqçi əlavə edib ki, ABŞ Prezidenti Donald Trampın İrandan uranın sıfır zənginləşdirmə tələbi ilə çıxış etdiyi müddətdə heç bir razılaşma mümkün deyil.
Tətbiqimizi yükləyə bilərsiniz
