ABŞ Federal Təhqiqatlar Bürosu (FTB) büronun “gizli otağında” ABŞ Prezidenti Donald Trampın Rusiya ilə əlaqələrinin araşdırılması ilə bağlı minlərlə məxfi sənəd tapıb.
Yeniavaz.com xəbər verir ki, bu barədə “ABC News” telekanalı FTB direktoru Keş Patelə istinadla məlumat yayıb.
Telekanalın məlumatına görə, “gizli otaq” adətən məhv edilməli olan məxfi faylları saxlamaq üçün istifadə olunur.
Nəşr faylların yandırılmaq üçün nəzərdə tutulan torbalarında tapıldığını bildirib.
“Sənədlərdən biri keçmiş xüsusi prokuror Con Daremin nəzərdən keçirdiyi əsas kəşfiyyat məlumatlarını özündə əks etdirən yekun hesabatına məxfi əlavədir”, - deyə məlumatda bildirilib.
Telekanalın məlumatına görə, FTB MKİ, Milli Kəşfiyyat Direktoru Ofisi, ABŞ Ədliyyə Nazirliyi və NSA ilə əməkdaşlıq edərək sənədin məxfiliyini ləğv edib. Bundan sonra onu dərc etmək niyyətində olan ABŞ Senatının Ədliyyə Komitəsinə veriləcək.
Tətbiqimizi yükləyə bilərsiniz
