Bakı şəhəri, Xəzər rayonu, Şüvəlan qəsəbəsində dənizdə (ən yaxın sularda xilasetmə məntəqəsindən təqribən 1 km aralı, nəzarətsiz ərazi) batan 1 nəfərin (uşaq) axtarışları başa çatıb.
Yeniavaz.com xəbər verir ki, bu barədə FHN məlumat yayıb.
Batan şəxsin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq çıxarılıb və aidiyyəti üzrə təhvil verilib.
Qeyd edək ki, Şüvəlanda dənizdə batan uşağın “Zirə” futbol klubunun akademiyasının üzvü Fərid Şahverdiyev olduğu bildirilir. Fərid Şahverdiyev həm də U-16 komandasının futbolçusu olub.
Tətbiqimizi yükləyə bilərsiniz
