“Volkswagen” Çindəki zavodlarını bağlamağa başladı

Alman avtomobil istehsalçısı “Volkswagen” ilk dəfə olaraq Çindəki zavodunu bağlayıb.
Yeniavaz.com xəbər verir ki, bu barədə “Handelsblatt” məlumat yayıb.
“Avtomobil istehsalçısı “Volkswagen” və onun Çin tərəfdaşı SAIC Nankinqdəki birgə zavodunu bağlayır”, - məlumatda deyilir.
Vəziyyətlə tanış olan bir neçə mənbənin nəşrə verdiyi məlumata görə, istehsal artıq dayandırılıb. İlin ikinci yarısında bağlanmanın mərhələli şəkildə həyata keçirilməsi planlaşdırılır.
Bildirilib ki, bu tədbir həm bazarda rəqabətin artması, həm də maddi-texniki çətinliklər səbəbindən qəbul edilib. Nankindəki SAIC və “Volkswagen” zavodu şəhər mərkəzinə yaxın sənaye zonasında yerləşir və bu, onun yenidən qurulmasını çətinləşdirəcək.