ABŞ Çinlə ticarət sazişi imzaladı

ABŞ və Çin arasında yeni ticarət sazişi imzalanıb.
Yeniavaz.com “Reuters” agentliyinə istinadla xəbər verir ki, bu barədə ABŞ Prezidenti Donald Tramp Ağ Evdə çıxışı zamanı bildirib.
Amerika lideri aydınlaşdırıb ki, sövdələşmə Çin bazarının ABŞ istehsalçılarına açılmasının başlanğıcını ehtiva edir.
Tramp həmçinin əlavə edib ki, ABŞ digər ölkələrlə böyük sövdələşmələr həyata keçirməyi planlaşdırır. Xüsusilə, ABŞ Hindistanla çox böyük bir müqavilə imzalaya bilər.
Prezidentin sözlərinə görə, saziş Hindistan bazarını Amerika biznesi üçün açacaq.
Amerika administrasiyasının rəhbəri müqavilə ilə bağlı heç bir təfərrüat verməyib.
Qeyd edək ki, aprelin 2-də Tramp 185 ölkə və ərazinin məhsullarına gömrük rüsumunun tətbiq ediləcəyini bəyan edib. 10%-lik universal tariflər aprelin 5-də, fərdi tariflər isə aprelin 9-da qüvvəyə minib. Həmin gün ABŞ Prezidenti bəzi cavab rüsumlarının 90 günlük dayandırıldığını elan edib ki, bu da Ağ Evin izah etdiyi kimi, ticarət məsləhətləşmələri ilə bağlıdır. Bu müddət ərzində 10% universal tarif qüvvədədir.