Sergey Tixanovski həbsdən azad edildi

Belarusda bloger və Svetlana Tixanovskayanın əri Sergey Tixanovski də daxil olmaqla 14 siyasi məhbus həbsdən azad edilib.
Yeniavaz.com xəbər verir ki, bu barədə “Naşa Niva” nəşri məlumat yayıb.
Siyasi məhbusların azad edilməsi barədə ABŞ prezidentinin xüsusi nümayəndəsi Keyt Kelloqun köməkçisi Con Koul da məlumat verib.
“Prezident Trampın güclü rəhbərliyi bu gün Belarusdan olan 14 məhbusun azad edilməsinə səbəb olub. Əməkdaşlığınıza və köməyinizə görə Litva hökumətinə təşəkkür edirəm - onlar əsl dost və müttəfiq olaraq qalırlar”, - Koul yazıb.
“Naşa Niva” Tixanovskinin artıq Belarusu tərk etdiyini qeyd edib.