“Qarabağ” doğma meydanda inamlı qələbə qazanıb

Bu gün Azərbaycan Premyer Liqasının 33-cü turu çərçivəsində növbəti qarşılaşma keçirilib.
Yeniavaz.com xəbər verir ki, çempionluğu əvvəlcədən təmin edən “Qarabağ” komandası öz meydanında “Sumqayıt”ı qəbul edib.
“Azersun Arena”ya yarım illik fasilədən sonra qayıdan Ağdam təmsilçisi oyuna əsas heyətlə çıxıb. Matçın ilk hissəsində “Sumqayıt” rəqibə müqavimət göstərsə də, ikinci hissədə üstünlüyü tam ələ alan meydan sahibləri oyunun taleyini həll edib.
“Qarabağ”ın qollarını 59-cu dəqiqədə Yassin Benzia, 82-ci dəqiqədə isə Kadi Borqes vurub. Beləliklə, ağdamlılar 2:0 hesablı qələbə ilə azarkeşlərini sevindiriblər.