“Rusiya və Ukrayna arasında sülh sazişi üzərində iş rəvan gedir”.
Yeniavaz.com xəbər verir ki, bunu ABŞ Prezidenti Donald Tramp sosial şəbəkə hesabında yazıb.
“Görünür, bizim uğurlu gələcək gözləyir”, - Amerika prezidenti yazıb.
O, həmçinin Ukrayna və ölkə Prezidenti Volodimir Zelenskini Kiyevin hələ də mineral ehtiyatlar üzrə saziş imzalamamasına görə tənqid edib:
“Volodimir Zelenskinin rəhbərliyi altında Ukrayna ABŞ ilə nadir torpaq metalları üzrə çox mühüm sazişə dair yekun sənədləri hələ də imzalamayıb. Müqavilənin imzalanması ən azı üç həftə yubanır. Ümid edirik ki, o, dərhal imzalanacaq”.
Xatırladaq ki, aprelin ortalarında Ukraynanın iqtisadiyyat naziri Yuliya Svırıdenko bildirib ki, Vaşinqton və Kiyev nümayəndələri yeraltı sərvətlər üzrə saziş bağlamaq niyyətlərini göstərən memorandum imzalayıblar. Bundan sonra tərəflər, Svırıdenkonun sözlərinə görə, sazişin mətnini yekunlaşdırıb imzalamalıdırlar. Müqavilə ölkələrin parlamentləri tərəfindən ratifikasiya edildikdən sonra qüvvəyə minəcək.
Tətbiqimizi yükləyə bilərsiniz
