Ermənistan parlamentinin müxalifət “Ermənistan” fraksiyasının deputatı Aram Vardevanyan bu gün istefası ilə bağlı bəyanat verəcək.
Yeniavaz.com xəbər verir ki, o, bu barədə sosial şəbəkə hesabında yazıb.
Deputat bildirib ki, qərar şəxsi səbəblərə görə verilib, həmkarları ilə müzakirə olunub.
O, vəkillik təcrübəsinə qayıtmaq niyyətində olduğunu, lakin eks-prezident Robert Köçəryanın və həmkarlarının blokunu dəstəkləməkdə davam edəcəyini bildirib.
Qeyd edək ki, daha əvvəl Ermənistan mətbuatında deputatlar Vahe Akopyan, Armen Çarçyan, İşxan Saqatelyan və Aram Vardevanyanın parlamenti tərk etmək niyyətində olduqları barədə məlumatlar yayılıb.
Tətbiqimizi yükləyə bilərsiniz
