Moldova parlamenti oktyabrın 20-nə prezident seçkiləri təyin etdi

Moldova parlamenti növbəti prezident seçkilərini Avropa İttifaqına üzvlüklə bağlı referendumun keçiriləcəyi gün - oktyabrın 20-nə təyin edib.
Yeniavaz.com xəbər verir ki, bu qərarı hakim Fəaliyyət və Həmrəylik Partiyasından olan deputatlar iclasda qəbul ediblər.
“Moldova Respublikasında prezident seçkiləri 2024-cü il oktyabrın 20-nə təyin edilib. Bu qərar rəsmi dərc edildiyi gündən qüvvəyə minir”, - sənəddə deyilir.
Qeyd edək ki, hazırkı Prezident Maya Sandunun səlahiyyətləri dekabrın 24-də başa çatır. Keçən ilin sonunda o, ikinci müddətə namizəd olmaq niyyətini açıqlayıb və vətəndaşların ölkənin Aİ-yə daxil olması ilə bağlı fikirlərini ifadə edə bilməsi üçün referendum təşkil etməyi təklif edib.