İstanbulun Cihangir rayonunda səhər saatlarında həyata keçirilən narkotik əməliyyatı çərçivəsində məşhur türkiyəli müğənni Kalben saxlanılıb.
Yeniavaz.com Türkiyə KİV-ə istinadla xəbər verir ki, əməliyyatdan sonra müğənni İstanbul Baş Polis İdarəsinə aparılıb.
Müğənninin evində aparılan axtarışlar zamanı ümumi çəkisi 15 qram olan narkotik maddə ilə yanaşı, 2 min avro, 730 dollar və 1500 lirə pul götürülüb.
Türkiyə Cinayət Məcəlləsinin 188-ci maddəsinə əsasən saxlanılan müğənni ifadəsi alınmaq üçün İstanbul Narkotik Cinayətlərlə Mübarizə Şöbəsinə aparılıb.
Polis tərəfindən şübhəli şəxs qismində saxlanılan Kalben Sağdıç barəsində başlanan istintaq davam edir.
Qeyd dək ki, 8 yaşından musiqi ilə maraqlanan 38 yaşlı müğənni Bilkent Universitetinin Beynəlxalq Əlaqələr fakültəsini bitirib. Magistratura təhsilini başa vuraraq İstanbula köçən Kalben evdə çəkdirdiyi konsert videoları ilə geniş pərəstişkar kütləsi qazanıb.