Şoyqunun müavini saxlanıldı

Rusiya müdafiə naziri Sergey Şoyqunun müavini Timur İvanov saxlanılıb.
Yeniavaz.com xəbər verir ki, bu barədə ölkənin İstintaq Komitəsi məlumat yayıb.
Bildirilir ki, o, xüsusilə külli miqdarda rüşvət almaqda şübhəli bilinərək saxlanılıb.  Qeyd edək ki, xüsusilə külli miqdar 1 milyon rubldan başlayır. Belə ki, İvanov 1 milyon rubldan çox məbləğdə rüşvət almaqda şübhəli bilinir. Bu maddə üzrə maksimum cəza 15 ilə qədər həbs nəzərdə tutur.