Zimbabve prezidenti xalqa müraciətində istefa barədə danışmayıb

Zimbabvenin hazırkı prezidenti Robert Muqabe televiziya vasitəsilə xalqa müraciətində istefa barədə danışmayıb. RİA Novosti agentliyinin xəbərinə görə, Muqabe bildirib ki, dekabrda hakim Afrika Milli İttifaqı - Vətənpərvər Cəbhə Partiyasının konqresində sədrlik edəcək. Onun sözlərinə görə, ölkədə baş verən son hadisələr ölkə Konstitusiyası və onun hakimiyyətinə təhlükə kəsb etmir. “Zimbabve xalqı ölkədəki böhranı sülh yolu ilə müstəqil olaraq həll etməyə qərarlıdır”, deyə R.Muqabe bəyan edib.Apa