Ram Nath Kovind Hindistanın yeni Prezidenti seçilib. “Yeniavaz.com”un TASS-a istinadən verdiyi məlumata görə, onun namizədliyini hakim Hindistan Xalq Partiyası irəli sürmüşdü. R. N. Kovind seçicilər kollegiyasının 65 faizdən çoxunun səsini toplayıb. O, Hindistanda prezident vəzifəsinin tətbiq edildiyi 1950-ci ildən bəri ölkənin 14-cü Prezidenti oldu. Qeyd edək ki, seçkilər iyulun 17-də keçirilib. Hindistanda Prezident ümumxalq seçkilərdə deyil, seçicilər kollegiyasında seçilir. Kollegiyaya ölkə parlamentinin yuxarı və aşağı palatalarının üzvləri, eləcə də ştatların qanunvericilik yığıncaqlarının üzvləri daxildirlər. Səsvermədə ümumilikdə 4896 nəfər iştirak edib.
Tətbiqimizi yükləyə bilərsiniz
