Çempionlar Liqasına start verilir

Sabah Çempionlar Liqasında II təsnifat mərhələsinə start veriləcək. İlk oyunlar çərçivəsində 17 qarşılaşma baş tutacaq. Mərhələ Bakıda baş tutacaq “Qarabağ” - “Samtredia” matçı ilə başlayacaq. Ümumiyyətlə, ilk oyun günündə 4 görüş keçiriləcək.

İyulun 12-də daha çox matç baş tutacaq. Belə ki, mərhələnin 12 qarşılaşması çərşənbə gününə təsadüf edəcək. II təsnifat mərhələsində diqqət çəkən məqam isə oyunlardan birinin qeyri-adi vaxtda keçirilməsi olacaq.

Belə ki, “Linfild”lə “Seltik” arasında görüş ayın 14-də oynanılacaq. Britaniya təmsilçiləri cümə günü qarşılaşmağı razılaşdırıb və UEFA-ya müraciətləri də müsbət həll olunub. Adətən, çərşənbə axşamı və çərşənbə günləri keçirilən Çempionlar Liqasının cümə günü baş tutması isə turnir üçün qeyri-adi haldır.

Çempionlar Liqası

II təsnifat mərhələsi, ilk oyunlar

11 iyul

21:00. “Qarabağ” (Azərbaycan) -“Samtredia” (Gürcüstan)

22:30. “Hibernians” (Malta) - “Zalsburq” (Avstriya)

22:45. “Riyeka” (Xorvatiya) - “Alaskert” (Ermənistan)

22:45. “Partizan” (Serbiya) - “Buduçnost” (Monteneqro)

12 iyul

20:00. “Spartak” (Latviya) - “Astana” (Qazaxıstan)

21:00. “Zrinski” (Bosniya və Herseqovina) - “Maribor” (Sloveniya)

21:00. “Malmö” (İsveç) - “Vardar” (Makedoniya)

21:00. APOEL (Kipr) - “Dudelanj” (Lüksemburq)

21:00. “Şerif” (Moldova) - “Kukesi” (Albaniya)

21:00. “Hapoel” (Beyer Şeva, İsrail) - “Honved” (Macarıstan)

21:30. BATE (Belarus) - TNS (Uels)

22:00. “Mariehamn” (Finlandiya) - “Legiya” (Polşa)

22:00. “Jalgiris” (Litva) – “Lüdoqorets” (Bolqarıstan)

22:15. “Jilina” (Slovakiya) - “Kopenhagen” (Danimarka)

22:45. “Dandalk” (İrlandiya) - “Rusenborq” (Norveç)

23:15. “Hafnarfyordur” (İslandiya) - “Vikinqur” (Farer adaları)

14 iyul

20:00. “Linfild” (Şimali İrlandiya) - “Seltik” (Şotlandiya)