Almaniya Mərkəzi Bankı sıfır avro dəyərində əskinaslar çap edib. “Yeniavaz.com”un “CNN Türk” telekanalına istinadən verdiyi məlumata görə, yeni əskinaslar 2,5 avroya satılacaq. Xatirə pulu və əşyası qismində çap edilən 0 avro əskinaslardan 5 min ədədi bazara satışa çıxarılıb. Avropa Mərkəzi Bankından alınmış xüsusi icazə əsasında çap edilən əskinazlar həqiqi avrolarla eyni standartlara və keyfiyyətə, holoqrama malikdir. Əskinasların üzərində 1958-ci ildə Almaniya donanmasının gəmilərindən biri olmuş “Gorch Fock ll” gəmisinin təsviri yer alıb. Bu gəmi 1961-1990-cı illərdə 10 alman markasının üzərində də həkk olumuşdu.