Dünyanın ən təhlükəli və təhlükəsiz şəhərləri

Dünyanın ən təhlükəli və təhlükəsiz şəhərlərinin yeni reytinqi tərtib edilib. “Yeniavaz.com”un RT-yə istinadən verdiyi məlumata görə, reytinqi şəhər və ölkələr haqqında məlumat üzrə ixtisaslaşan “Numbeo” portalı hazırlayıb. Reytinqə əsasən, dünyanın ən təhlükəli şəhəri Venesuealının paytaxtı Karakasdır. Siyahıda sonrakı yerləri müvafiq olaraq San-Pedro-Sula (Honduras), Pitermaritsburq (Cənubi Afrika) və Fortaleza (Braziliya) tuturlar. Dünyanın ən təhlükəsiz şəhəri isə Birləşmiş Ərəb Əmirliklərinin paytaxtı Əbu Dabi qəbul edilib. Onu Almaniyanın Münhen şəhəri izləyir.