İraqın Mosul şəhərinin qərb rayonlarının İŞİD terror təşkilatının silahlılarından azad edilməsi üzrə keçirilən əməliyyat dövründə indiyədək təqribən 4 min nəfər həlak olub. “Yeniavaz.com”un “Anadolu” agentliyinə istinadən verdiyi məlumata görə, bunu İraq ordusunun generalı Sair əl-Musəvi deyib. Onun sözlərinə görə, itkilərin sayı 3864 nəfər təşkil edib, hərbi əməliyyatlar zamanı təxminən 10 min evə ziyan vurulub. Əl-Musəvi qeyd edib ki, İraq təhlükəsizlik qüvvələri Mosulun qərb rayonlarının ərazisinin 54 faizini İŞİD terrorçularından azad edib.
Qeyd edək ki, İraq ordusunun İŞİD-ə qarşı əməliyyatına milli Hərbi Hava Qüvvələri, habelə ABŞ-ın başçılıq etdiyi beynəlxalq koalisiyasını aviasiyası havadan dəstək verir. İraq hökuməti daha əvvəl məlumat vermişdi ki, hərbi əməliyyatın başladığı fevralın ortalarından etibarən Mosulun qərbini 180 min dinc sakin tərk edib.
Tətbiqimizi yükləyə bilərsiniz
