Orta statistik rusiyalı Moskvada mənzil almaq üçün 32 il ərzində bütün maaaşını saxlamalıdır. “Yeniavaz.az”ın Rusiya mətbuatına istinadən verdiyi məlumata görə, Rusiya regionları arasında bu baxımdan ən uzun müddət Dağıstandadır. Dağıstanlılar 46,2 il məvaciblərini saxlamalıdırlar ki, paytaxtdan mənzil ala bilsinlər. Ən az müddət isə Yamal-Nenetsk muxtar dairəsinin payına düşüb. Burada 10,4 il ərzində maaşı yığmaq tələb olunur. Moskvalıların özləri isə 13 ilə paytaxtda mənzil sahibi ola bilərlər. Statistika hazırlanarkən hər bir regionda orta aylıq məvacib və Moskvada təkrar mənzil bazarının orta hesabla qiyməti nəzərə alınıb. 2016-cı ilin oktyabrında Moskanın təkrar mənzil bazarında təkliflərin orta qiyməti 1 kvadratmetrə görə 182,3 min rubl təşkil edib.
Tətbiqimizi yükləyə bilərsiniz
